Met hierdie vrye teuels treintoer gaan ons Frankryk verken, van noord na suid.  Dis ’n toer wat baie vrye tyd gaan bied, om self te ontdek, teen jou die tempo.

Ons land in Parys en slaap dan in die bekende Franse hoofstad vir twee aande.  Daar is genoeg tyd om die stad plat te loop, van die Eiffel Toring oor die Sein rivier tot by die Arc te Triomphe en dan al die pad af met die Champs Elysees tot by die Louvre.

Dan ry ons per trein na Dijon - die hoofdstad van die Burgundy streek is bekend vir hulle wyn en mostert.  Ons sal beslis moet mostert proe en bietjie meer daaroor leer.  Daar is ook kans om die Uil Roete te stap deur Dijon se ou stad.    

Na twee aande in Dijon, vertrek die trein na Lyon - die hoofdstad van die Rhone-Alpes streek.  Lyon is waar die Rhône- en Saône-riviere bymekaarkom, en dis ’n stad wat baie bekend is vir hulle lekker kos.

​

Ons is vir drie aande in Lyon en gaan ook ’n daguitstappie maak na die pragtige Annecy, op die oewer van die Annecy meer.  Met kobbelstrate, kronkelende kanale en pastelkleurige huise.

Dan vertrek ons na Avignon in Provence langs die Rhônerivier.  As die weer saamwerk, dan arriveer ons in Provence vir die begin van die lavender-seisoen.  Ons sal dan ook ’n dagtoer doen om die bekende laventel-velde te gaan beleef en besoek ook 'n lavender distilleerdery.  

​